10.10.2008
La Quotidiana, Guiu Sobiela-Caanitz
Istoricher grischun a Berna
Sacha Zala maina l’ediziun da documents archivads
Ina da las publicaziuns istoricas principalas dals davos onns davart la Svizra è segir stà il rapport da la
cumissiun independenta d’experts presidiada da Jean-François Bergier (CB). El ha cumplettà nossas enconuschientschas davart la Svizra durant la Segunda guerra mundiala. Ma la lavur da lezza cumissiun è stada facilitada da la vasta cumpilaziun elavurada dapi 1972 sut la direcziun da la Cumissiun per la retschertga dals documents diplomatics svizzers (CDDS).
